O‘zbekiston Respublikasi energetika oʻzgarishi davrida energetikaning klasterlashuvi

Dolzarbligi: O'zbekistonning zamonaviy energetikasi, jahon energetikasi kabi, muqobil energiyaga o'tish  jarayoni bilan tavsiflanadi va energetikaning klasterlashuvi bilan bog'liq innovatsion jarayonlarni o'z ichiga oladi. Energetik o'zgarishini amalga oshirishda klaster yondashuvining samaradorligini, yuzaga keladigan sinergiyani va energetikaning yanada rivojlanishini tahlil qilish zarurati tug'iladi. Maqolada O'zbekistonning energiya  o'tishida energetikaning samarali rivojlanishi uchun klaster yondashuvi ko'rib chiqilgan. Muqobil va qayta tiklanadigan energiya manbalariga (MQТEM) asoslangan energetik klasterlarni yaratish tahlil qilindi. Energiya o'tishini optimallashtirish va elektr energetikasini yanada rivojlantirish uchun O'zbekistonda energetik klasterlarni tashkil etish bo'yicha takliflar ishlab chiqildi.

Maqsad: O'zbekistonning energiya o'tishida klaster yondashuvidan foydalanish shartlarini va respublika  energetikasini klasterlashuvi asosida rivojlantirishni tahlil qilish va aniqlash.

Metodlar: energetik klasterlarni yaratish bo'yicha xalqaro tajriba, shuningdek, O'zbekiston energetikasining salohiyati tahlil qilinadi va qo'llaniladi.

Natijalar: O'zbekistonning energiya o'tishini amalga oshirishda va respublika energetikasini yanada rivojlantirishda energetik klasterlarni yaratish bo'yicha takliflar ishlab chiqildi.