O‘zbekiston elektr energetikasining hozirgi holati va rivojlanish istiqbollari
Referat
Dolzarblik: maqolada O‘zbekiston elektr energetikasi sohasining joriy holati va rivojlanish istiqbollari iqtisodiyotning barqaror o‘sishi hamda aholining turmush sifatini yaxshilash kontekstida tahlil qilingan. 2024-yilga kelib mamlakat elektr stansiyalarining o‘rnatilgan quvvati 23,1 GVt ga yetgani va 2030-yilgacha elektr energiyasi iste’moli ikki baravar oshirishi lozimligi ta’kidlangan.
Maqsad: O‘zbekiston elektr energetikasi tizimining samaradorligini oshirish, qayta tiklanuvchi energiya manbalari (quyosh va shamol energetikasi), atom elektr stansiyasi va xorijiy investitsiyalarni jalb qilish orqali energetika sohasini modernizatsiya qilishdan iborat.
Usullar: energiya ishlab chiqarish strukturasini va asosiy energetik manbalarni (an’anaviy va qayta tiklanuvchi) tahlil qilish, bozor mexanizmlari va xorijiy investitsiyalar samaradorligini baholash usullaridan foydalanilgan.
Natijalar: atom elektr stansiyasini qurish orqali tabiiy gaz iste’molini kamaytirish, ekologik vaziyatni yaxshilash va quyosh hamda shamol energetikasi ulushini mamlakat energetika balansida 2030-2035-yillarga qadar 50% gacha oshirish imkoniyatlari asoslab beriladi.
Kalit sо‘zlar: elektr energetikasi, barqaror rivojlanish, qayta tiklanuvchi energiya manbalari, atom energetikasi, energiya tejash, investitsiyalar, energetika islohotlari.
