Quyosh pechida sintez qilingan CoFe2O4 asosidagi katalizatorning xususiyatlari

Dolzarbligi: sintez usuli ma’lum zarracha o‘lchami, tuzilishi, mikro tuzilishi va o‘ziga xos sirt maydoni va faza barqarorligiga ega bo‘lgan materialni olishda muhim ro‘l o‘ynaydi. Ushbu parametrlar birgalikda ma’lum xususiyatlarni aniqlaydi. Asosiy sintez usullari: qattiq fazali reaksiyalar, termik parchalanish, gidrotermik va solvotermik usullar, birgalikda cho‘ktirish, sol-gel va mikroto‘lqinli ishlov berish. Biroq, har bir usul o‘zining afzalliklari va kamchiliklariga ega va shpineldan yuqori sifatli ferrit materiallarini olishning optimal usuli yo‘q. Shuning uchun quyosh pechida Fe₂O₃ + CoO aralashmasi eritmasidan sintez qilingan CoFe₂O₄ kobalt ferritining tuzilishi va xususiyatlarini o‘rganish.

Maqsad: 8,87 Å panjara parametri bilan kobalt ferrit CoFe₂O₄ ning kubik modifikatsiyasini ifodalovchi bir fazali materialni olish. Yangi sintez qilingan material Hc=60 Oe, Ms=30 emu/g parametrlari bilan yumshoq magnit xarakterga ega bo‘lishi kerak; 1100 ^oC da pishirilgan material Hc = 80 Oe, Ms = 50 emu/g ko‘tarilgan parametrlarni ko‘rsatadi.

Usullari: aralashma agat xovonchada etil spirti (10 og‘irlik) qo‘shilgan holda maydalangan va diametri 12 mm va balandligi 15 mm bo‘lgan tabletkalar xoliga keltirilgan. Tabletkalar quyosh pechining diametri 30 mm bo‘lgan doira shaklidagi markazlashtirilgan nuqtada joylashgan eritish stoliga qo‘yildi. Eritma suvga quyilishi bilan sovutilgan. Qattiqlashtirilgan quymalar maydalangan, qoliplangan va 1100 ^oC da sinterlangan.

Natijalar: quyosh pechida eritmadan sintez yo‘li bilan olingan material tuzilishi va magnit parametrlari tufayli organik xom ashyoni isloh qilish orqali vodorod sintezining katalitik jarayonlarida qo‘llanilishi mumkin.