ZnO va ZnSe mikrokukunlarida lazer nuri ta’sirida uygʻotilgan luminesentsiya va lazerli nurlanish

Dolzarblik: ishning dolzarbligi shundan iboratki hozirgi vaqtda impuls-davriyli lazer nurlari ta’sirida ZnO va ZnSe mikrokukunlari fotoluminesentsiya spektrlarining shakllantirish mexanizmlari yetarlicha oʻrganilmaganligidir.

Maqsad: impuls-davriyli lazer nuri ta’sirida ZnO va ZnSe mikrokukunlarida fotoluminesentsiya spektrlarini shakllantirish mexanizmlarini aniqlashdan iborat.

Usullar:  ishda mualliflar tomonidan ishlab chiqilgan impuls-davriyli rejimda ishlaydigan mis bugʻlaridagi kompakt lazer asosidagi zamonaviy lazer spektroskopiyasi usuli qoʻllanildi.

Natijalar: mis bugʻlaridagi impuls-davriyli lazer nurlanishida rux oksidi va rux seleni mikrokukunlarrining fotoluminesentsiya (FL) spektrlari tadqiq etildi. Oʻrganilgan namunalarning FL spektrlarini shakllantirish mexanizmlari aniqlandi. Aniqlanishicha, 10⁶ Vt/sm² lazerli nurlanish intensivligida rux oksidi va rux seleni mikrokukunlarida superluminesentsiya effekti kuzatildi. Tajribada, oʻrganilgan namunalarda qoʻzgʻatuvchi nurlanish intensivligi oshganda FL spektri polosasining maksimumi 4 nm gacha siljishi kuzatildi.